背景：政府喺2025年5月推出《公司（修訂）（第2號）條例》，畀外地公司可以遷冊來香港，即係唔使清盤就可以直接喺香港繼續營運，好方便。
保持營運連續性：遷冊之後，公司啲資產、合約、權利義務都唔會受影響，等公司無縫銜接搬過嚟香港做生意。
申請條件：公司要誠實守法、有能力還債，冇進行緊清盤程序。如果係金融機構，例如銀行或者保險公司，就要預先搵金管局或者保監局傾掂先。
保留公司身份唔使重頭嚟過：唔需要重新開公司、重簽合約或者轉移資產。科技公司啲專利、技術、資料都可以原封不動搬過嚟香港。
手續快靚正：齊晒文件之後，兩個禮拜左右就搞掂，唔使打官司或者做重組，慳時間慳錢。
容易喺香港落地：遷冊之後可以即刻開戶口、借貸、發債甚至上市，仲可以用香港公司身份同客戶或者政府部門做生意。
香港法治有保證：普通法制度清晰可靠，監管標準高，對海外投資者有信心。
接通國際市場：香港係國際金融中心，連接內地、大灣區同世界各地市場，方便企業做跨境業務。
稅制簡單：利得稅最高16.5%，首200萬只係8.25%，冇銷售稅、冇資本利得稅。
雙重課稅唔洗驚：如果喺原居地已經交過稅，香港可以申請稅務抵免，唔會重複交稅。
研發扣稅：研發開支可以最高3倍扣稅，對搞科技嘅公司特別有吸引力。
地理優勢+自由經濟：香港係自由港，無外匯管制，係「一國兩制」下連接中國同世界嘅橋樑。
專業配套齊晒：有數碼港、科學園、好多律師會計師可以幫手處理公司事務，非常有利創科企業同金融機構落戶發展。
遷冊制度令公司可以輕鬆搬過嚟香港，唔洗清盤重頭嚟過，又可以享受香港嘅法治保障、低稅制同國際平台。
對科技公司、金融機構嚟講，香港係一個理想嘅地點做區域總部或者發展亞洲業務。